imran-khan-qamar-javed-bajwa 61

وزیراعظم،آرمی چیف کا کنٹرول لائن کا دورہ

پاک فوج کے شعبہ تعلقات عامہ آئی ایس پی آر کے مطابق وزیراعظم عمران خان اور آرمی چیف جنرل قمر باجوہ نے لائن آف کنٹرول کا دورہ کیا جہاں انہوں نے جوانوں اور شہداء کے خاندانوں کے ساتھ بات چیت کی، وزیراعظم اور آرمی چیف کے ہمراہ وزیرخارجہ، وزیردفاع اور چیئرمین کشمیر کمیٹی بھی موجود تھے۔

اس موقع پر وزیراعظم کا کہنا تھا کہ بھارت جان بوجھ کر کشمیر کے نہتے شہریوں کو نشانہ بنارہاہے، بھارت مقبوضہ کشمیرکے معصوم شہریوں پر مظالم ڈھا رہاہے ،بھارت کی جانب سے مقبوضہ کشمیر کا محاصرہ انسانی حقوق کی خلاف ورزیوں کی بد ترین مثال ہے جب کہ پاکستان کشمیریوں کے حق خودارادیت پر ان کے ساتھ کھڑا ہے اور ہماری مسلح افواج کسی بھی مس ایڈوانچر کا جواب دینے کے لئے ہمہ وقت تیار ہے۔

بری فوج کے سربراہ جنرل قمر جاوید باجوہ وزیرخارجہ شاہ محمود قریشی، وزیردفاعی پرویزخٹک اور کشمیر کمیٹی کے چیئرمین فخر امام بھی وزیراعظم کے ہمراہ تھے۔

اس خبر پر اپنی رائے کا اظہار کریں