two-friends 37

2 دوستوں کا ایک دن میں 9 شہر گھومنے کا عالمی ریکارڈ

لندن سے تعلق رکھنے والے ایڈم لیٹون اور ان کے دوست کرس فلیٹچر نے 24 گھنٹوں میں شیڈول ٹرانسپورٹ کے زریعے سے 9 دارالحکومت شہروں کی سیر کرکے ورلڈ ریکارڈ اپنے نام کرلیا۔

فوٹو: گنیز بک آف ورلڈ ریکارڈ

دونوں نے 25 سے 26 نومبر کے درمیان لندن سے ٹرین میں ایمسٹرڈیم سے اپنے سفر کا آغاز کیا جس کے بعد وہ پیرس اور برسلز تک پہنچے۔

فوٹو: گنیز بک آف ورلڈ ریکارڈ

برسلز پہنچنے کے بعد برلن تک کا سفر انہوں نے جہاز سے کیا، برلن پہنچتے ہی ایڈم اور کرس بس سے پراگ کے لیے روانہ ہوئے، پھر انہوں نے دوسری فلائٹ لی اور براٹسلاوا پہنچے۔

فوٹو: گنیز بک آف ورلڈ ریکارڈ

ورلڈ ریکارڈ بنانے کا عزم لیے دونوں دوستوں نے اپنی منزل تک پہنچنے کے لیے ٹرین میں وینیا کا تک سفر کیا اور وینیا پہنچ کر بڈاپسٹ جو کہ ان کی آخری منزل تھی آخر کار وہاں پہنچ گئے۔

فوٹو: گنیز بک آف ورلڈ ریکارڈ

اس پورے سفر میں ایڈم اور ان کے ساتھی کرس کو 23 گھنٹے اور 50 منٹ کا وقت لگا جس کے بعد ان دوںوں نے گنیز بک آف ورلڈ ریکارڈ میں اپنا نام درج کروالیا۔

فوٹو: گنیز بک آف ورلڈ ریکارڈ

ایڈم کا کہنا تھا اس ریکارڈ کو بنانے سے قبل انہوں نے 24 گھنٹوں میں زیادہ سے زیادہ ممالک کی سیر کرنے کا ریکارڈ بھی توڑا تھا اور اس ریکارڈ کو بنانے کے لیے بھی انہیں بہت سی مشکلات کا سامنا کرنا پڑا مگر ان سب کے باوجود پورے سفر میں ان دونوں کو بے حد مزا آیا۔

اس خبر پر اپنی رائے کا اظہار کریں